ಪರಿಚಯ :
ಗೋಷ್ಠಿಗೆ ಹೂವು ಅಥವಾ ಪರ್ವತ ಮಲ್ಲಿಗೆ ಹೂದೋಟದಲ್ಲಿ ಬೆಳೆಯುವ ಒಂದು ಬಗೆಯ ಹೂವು. ಹೂವುಗಳ ಸೌಂದರ್ಯ, ಬಣ್ಣ ಮತ್ತು ವಾಸನೆ ಮನಸ್ಸಿಗೆ ಸಂತೋಷವನ್ನು ತರಲು ಕಾರಣವಾಗುತ್ತದೆ. ಸಕಲೇಶಪುರ ಮತ್ತು ಕೊಡಗಿನಲ್ಲಿ ಗೋಷ್ಠಿಗೆ ಹೂವು ಎಂದು ಕರೆಯುತ್ತಾರೆ. ನಮ್ಮ ತೋಟದಲ್ಲಿ ವಿಭಿನ್ನ ಹೂವುಗಳನ್ನು ಬೆಳೆಸುವ ಮೂಲಕ ಪ್ರಕೃತಿಯ ಸೌಂದರ್ಯವನ್ನು ನಾವೇ ಮನೆಮಂದಿಯೊಳಗೆ ಅನುಭವಿಸಬಹುದು. ಇದನ್ನು ಕೆಲವರು ಕಾಡು ಜಾಜಿ, ಮೌಂಟನ್ ಬಾರ್ಲೇರಿಯಾ (Barleria Cristata) ಎಂದೂ ಕರೆಯುತ್ತಾರೆ. ಸರಳವಾಗಿ ಬೆಳೆಸಬಹುದಾದ, ಕಡಿಮೆ ನಿರ್ವಹಣೆಯಲ್ಲಿಯೇ ಸುಂದರವಾಗಿ ಅರಳುವ ಹೂವಿನ ಸಸ್ಯ ಇದಾಗಿದೆ.
ಸಸ್ಯದ ವೈಶಿಷ್ಟ್ಯಗಳು :
ಗಿಡವು ಚಿಕ್ಕ ಎತ್ತರದ ಗಿಡವಾಗಿದ್ದು ಸಾಮಾನ್ಯವಾಗಿ 2–4 ಅಡಿ ವರೆಗೂ ಬೆಳೆಯುತ್ತದೆ. ಇದರ ಎಲೆಗಳು ಉದ್ದ ಹಾಗೂ ಗಾಢ ಹಸಿರು ಬಣ್ಣದಲ್ಲಿ ದಪ್ಪದಂತೆ ಕಂಡು ಬರುತ್ತವೆ. ಹೂವುಗಳು ಸಾಮಾನ್ಯವಾಗಿ ಗುಲಾಬಿ, ನೇರಳೆ ಅಥವಾ ಬಿಳಿ ಬಣ್ಣದಲ್ಲಿ ಕಾಣಿಸಿಕೊಳ್ಳುತ್ತವೆ. ಒಂದು ಕೊಂಬೆಯ ತುದಿಯಲ್ಲಿ ಹಲವಾರು ಹೂವುಗಳು ಒಟ್ಟಿಗೆ ಅರಳುವುದರಿಂದ ಗಿಡ ತುಂಬಾ ಆಕರ್ಷಕವಾಗಿ ಕಾಣುತ್ತದೆ.
ಹೂವಿನ ರಚನೆಯು ಚಿಕ್ಕದಾಗಿದ್ದರೂ ತುಂಬಾ ಸೊಬಗುಳ್ಳದ್ದು. ಹೂವುಗಳು ಬೆಳಿಗ್ಗೆಯಿಂದ ಸಂಜೆವರೆಗೂ ಅರಳಿರುತ್ತದೆ ಮತ್ತು ಸಂಜೆ ವೇಳೆಗೆ ನಶಿಸುತ್ತವೆ. ಆದರೆ ಪ್ರತಿದಿನವೂ ಹೊಸ ಹೂವುಗಳು ಅರಳುವುದರಿಂದ ಗಿಡದಲ್ಲಿ ಹೂಗಳ ಕೊರತೆ ಕಾಣುವುದಿಲ್ಲ.
ಬೆಳೆಯುವ ವಿಧಾನ : ಗೋಷ್ಠಿಗೆ ಬೆಳೆಸುವುದು ತುಂಬಾ ಸುಲಭ.
ಮಣ್ಣು: ಪೋಷಕಾಂಶಗಳಿಂದ ಸಮೃದ್ಧವಾದ, ನೀರು ನಿಂತುಕೊಳ್ಳದ ಮಣ್ಣು ಇದಕ್ಕೆ ಸೂಕ್ತ. ಕೆಂಪು ಮಣ್ಣು ಉತ್ತಮ ಬೆಳವಣಿಗೆಗೆ ಸಹಕಾರಿಯಾಗಿದೆ.
ನೀರು: ಗಿಡಕ್ಕೆ ನಿಯಮಿತವಾಗಿ ನೀರು ಹಾಕಬೇಕು. ಬಿಸಿಲಿನ ಕಾಲದಲ್ಲಿ ದಿನಕ್ಕೊಮ್ಮೆ ನೀರು ನೀಡುವುದು ಒಳಿತು. ಆದರೆ ಹೆಚ್ಚು ನೀರು ನಿಲ್ಲಿಸಿದರೆ ಬೇರು ಕೊಳೆತ ಹೋಗುವ ಸಾಧ್ಯತೆ ಇರುತ್ತದೆ.
ಬೆಳಕು: ಈ ಗಿಡಕ್ಕೆ ಸೂರ್ಯನ ಬೆಳಕು ತುಂಬಾ ಮುಖ್ಯ. ಬೆಳಕಿನಲ್ಲಿ ಬೆಳೆದ ಗಿಡಗಳು ಹೆಚ್ಚು ಹೂ ಬೀಳುತ್ತವೆ.
ನೆಡುವ ಪ್ರಕ್ರಿಯೆ: ಪರ್ವತಮಲ್ಲಿಗೆ ಗಿಡವನ್ನು ಬೀಜಗಳಿಂದಲೂ, ಕೊಂಬುಗಳನ್ನು ನೆಡುವ ಮೂಲಕಲೂ ಸುಲಭವಾಗಿ ಬೆಳೆಸಬಹುದು. ಸಾಮಾನ್ಯವಾಗಿ ಕೊಂಬುಗಳನ್ನು ನೆಡುವುದು ಹೆಚ್ಚು ಯಶಸ್ವಿ ವಿಧಾನವಾಗಿದೆ.
ಪಾಲನೆ ವಿಧಾನ :
- ಈ ಗಿಡವು ಹೆಚ್ಚಿನ ಕಾಳಜಿ ಬೇಡದ ಸಸ್ಯ. ಆದರೆ ಕೆಲವೊಂದು ಸಾಮಾನ್ಯ ಪಾಲನೆ ವಿಧಾನಗಳನ್ನು ಅನುಸರಿಸಿದರೆ ಉತ್ತಮ ಫಲಿತಾಂಶ ದೊರೆಯುತ್ತದೆ.
- ತಿಂಗಳಿಗೆ ಒಂದು ಬಾರಿ ಜೈವಿಕ ಗೊಬ್ಬರ ಹಾಕಿದರೆ ಹೂಗಳ ಸಂಖ್ಯೆ ಹೆಚ್ಚಾಗುತ್ತದೆ.
- ಒಣ ಎಲೆಗಳು ಹಾಗೂ ಒಣ ಹೂವುಗಳನ್ನು ತೆಗೆದುಹಾಕಿದರೆ ಹೊಸ ಹೂವಿನ ಬೆಳವಣಿಗೆ ತ್ವರಿತಗೊಳ್ಳುತ್ತದೆ.
- ಕೊಂಬುಗಳನ್ನು ಸಮಯಕ್ಕೆ ತಕ್ಕಂತೆ ಕಡಿದು ಹಸಿರಾಗಿಸುವುದರಿಂದ ಗಿಡ ಹೆಚ್ಚು ಆಕರ್ಷಕವಾಗಿರುತ್ತದೆ.
ಉಪಯೋಗಗಳು:
ಪರ್ವತಮಲ್ಲಿಗೆ ಹೂವು ಕೇವಲ ಅಲಂಕಾರಕ್ಕೆ ಮಾತ್ರ ಸೀಮಿತವಲ್ಲ, ಇದಕ್ಕೊಂದು ವಿಶೇಷ ಮಹತ್ವವಿದೆ.
1. ತೋಟದ ಅಲಂಕಾರ: ಈ ಹೂವು ಮನೆ ತೋಟ, ಉದ್ಯಾನ ಮತ್ತು ಪಾರ್ಕ್ಗಳಲ್ಲಿ ಅಲಂಕಾರಿಕ ಗಿಡವಾಗಿ ವ್ಯಾಪಕವಾಗಿ ಬಳಸಲಾಗುತ್ತದೆ.
2. ಔಷಧೀಯ ಮಹತ್ವ: ಕೆಲ ಪ್ರದೇಶಗಳಲ್ಲಿ ಈ ಗಿಡದ ಎಲೆ ಮತ್ತು ಬೇರುಗಳನ್ನು ಪಾರಂಪರಿಕ ಔಷಧ ತಯಾರಿಕೆಯಲ್ಲಿ ಬಳಸುತ್ತಾರೆ. ಜ್ವರ, ಕೆಮ್ಮು ಮತ್ತು ಚರ್ಮ ಸಂಬಂಧಿ ಸಮಸ್ಯೆಗಳಿಗೆ ಜನರು ಇದರ ಉಪಯೋಗ ಮಾಡುತ್ತಾರೆ.
3. ಪರಿಸರ ಸೌಂದರ್ಯ: ಹೂವಿನ ಸೌಂದರ್ಯದಿಂದ ಸುತ್ತಮುತ್ತಲಿನ ಪರಿಸರ ಸುಂದರವಾಗುತ್ತದೆ. ಪಕ್ಷಿಗಳು ಮತ್ತು ಚಿಟ್ಟೆಗಳು ಈ ಹೂಗಳಿಗೆ ಆಕರ್ಷಿತರಾಗುತ್ತವೆ.
4. ಸುಲಭ ಬೆಳವಣಿಗೆ: ಕಡಿಮೆ ಕಾಳಜಿ ಬೇಕಾದ್ದರಿಂದ ಯಾವುದೇ ಪ್ರಾರಂಭಿಕ ತೋಟಗಾರರು ಕೂಡ ಸುಲಭವಾಗಿ ಬೆಳೆಸಬಹುದಾದ ಹೂಗಿಡವಾಗಿದೆ.
5.ಹೂವಿನ ಮಾಲೆ : ಹೂವು ಜಾಸ್ತಿ ಇದ್ದಾರೆ ಅದನ್ನು ಹೂಮಾಲೆ ಮಾಡಿ ದೇವರಿಗೆ ಮಾಡಿಸಬಹುದು.
6.ಹೂವಿನ ಮಾರಾಟ : ಸಕಲೇಶಪುರ ಮತ್ತು ಕೊಡಗು ಭಾಗದಲ್ಲಿ ಈ ಹೂವನ್ನು ಮಾಲೆ ಮಾಡಿ ಮಾರುತ್ತಾರೆ.
ಸಾರಾಂಶ :
ಪರ್ವತಮಲ್ಲಿಗೆ ಹೂವು ಪ್ರಕೃತಿಯ ಒಂದು ಅದ್ಭುತ ಕೊಡುಗೆ. ಅದರ ಸುಂದರ ಹೂವುಗಳು ಮನಸ್ಸಿಗೆ ನೆಮ್ಮದಿ ಮತ್ತು ಸಂತೋಷ ನೀಡುತ್ತವೆ. ನಮ್ಮ ಮನೆಯ ತೋಟದಲ್ಲಿ ಅಥವಾ ಗದ್ದಲಮಯ ನಗರದಲ್ಲಿ ಪರ್ವತಮಲ್ಲಿಗೆ ಗಿಡವನ್ನು ನೆಟ್ಟರೆ, ಅದು ಮನೆಗೆ ಹಸಿರು ಸೊಬಗು ನೀಡುವುದಷ್ಟೇ ಅಲ್ಲದೆ ಪ್ರಕೃತಿಯ ನಂಟನ್ನು ಸದಾ ಜೀವಂತವಾಗಿರಿಸುತ್ತದೆ. ಸರಳ ನಿರ್ವಹಣೆ, ಆಕರ್ಷಕ ಹೂವುಗಳು ಮತ್ತು ಪರಿಸರ ಸೌಂದರ್ಯ – ಇವುಗಳ ಮೂಲಕ ಪರ್ವತಮಲ್ಲಿಗೆ ಗಿಡವು ಪ್ರತಿಯೊಬ್ಬ ತೋಟಗಾರನ ತೋಟದಲ್ಲಿ ಇರಲೇಬೇಕಾದ ಹೂಗಿಡವೆಂದು ಹೇಳಬಹುದು.
ಈ ಗಿಡದ ಬಗ್ಗೆ ಹೆಚ್ಚಿನ ತೋಟಗಾರಿಕೆ ಮಾಹಿತಿಯನ್ನು https://pfaf.org/ ತಾಣದಲ್ಲಿ ನೋಡಬಹುದು.