ಭತ್ತ ನಮ್ಮ ದೇಶದ ಪ್ರಮುಖ ಆಹಾರ ಧಾನ್ಯಗಳಲ್ಲಿ ಒಂದು. ಭಾರತದಲ್ಲಿ ಮಾತ್ರವಲ್ಲದೆ, ಏಷ್ಯಾದ ಅನೇಕ ರಾಷ್ಟ್ರಗಳಲ್ಲಿ ಭತ್ತವು ದಿನನಿತ್ಯದ ಆಹಾರದ ಮುಖ್ಯ ಅಂಗವಾಗಿದೆ. ರೈತರ ಶ್ರಮ, ಸಹನೆ ಮತ್ತು ಪ್ರಕೃತಿಯೊಂದಿಗೆ ಅವರ ನಂಟನ್ನು ಪ್ರತಿಬಿಂಬಿಸುತ್ತವೆ. ಈ ಲೇಖನದಲ್ಲಿ ಭತ್ತ ಬೆಳೆ, ಅದರ ಕೃಷಿ ವಿಧಾನ, ಉಪಯೋಗಗಳು ಹಾಗೂ ಮಹತ್ವವನ್ನು ವಿವರವಾಗಿ ತಿಳಿದುಕೊಳ್ಳೋಣ.
ಭತ್ತ ಬೆಳೆಯಲು ಬೇಕಾಗುವ ಹವಾಮಾನ :
ಭತ್ತ ಬೆಳೆ ಮುಖ್ಯವಾಗಿ ಉಷ್ಣವಲಯ ಮತ್ತು ಉಪ ಉಷ್ಣವಲಯ ಪ್ರದೇಶಗಳಲ್ಲಿ ಚೆನ್ನಾಗಿ ಬೆಳೆಯುತ್ತದೆ. ಹೆಚ್ಚು ನೀರಿನ ಅಗತ್ಯವಿರುವ ಬೆಳೆಗಳಲ್ಲಿ ಭತ್ತ ಪ್ರಮುಖವಾದುದು. ಸಾಮಾನ್ಯವಾಗಿ ಮಳೆಯ ಆಧಾರದ ಮೇಲೆ ಅಥವಾ ನೀರಾವರಿ ಸೌಲಭ್ಯ ಇರುವ ಪ್ರದೇಶಗಳಲ್ಲಿ ಭತ್ತ ಕೃಷಿ ಮಾಡಲಾಗುತ್ತದೆ. ಕರ್ನಾಟಕ, ತಮಿಳುನಾಡು, ಆಂಧ್ರಪ್ರದೇಶ, ಪಶ್ಚಿಮ ಬಂಗಾಳ, ಒಡಿಶಾ ಮುಂತಾದ ರಾಜ್ಯಗಳು ಭತ್ತ ಉತ್ಪಾದನೆಯಲ್ಲಿ ಮುಂಚೂಣಿಯಲ್ಲಿವೆ.
ಭತ್ತ ಬೆಳೆಯುವ ವಿಧಾನ :
ಭತ್ತ ಕೃಷಿ ಪ್ರಕ್ರಿಯೆ ಭತ್ತದ ಬೀಜ ಆಯ್ಕೆಗಳಿಂದ ಆರಂಭವಾಗುತ್ತದೆ. ಉತ್ತಮ ಗುಣಮಟ್ಟದ ಬೀಜಗಳನ್ನು ಆಯ್ಕೆ ಮಾಡುವುದು ಅತ್ಯಂತ ಮುಖ್ಯ. ಮೊದಲು ಬೀಜಗಳನ್ನು ಗದ್ದೆಯಲ್ಲಿ ಸಸಿ ಮಾಡಿ, ನಂತರ ಮುಖ್ಯ ಹೊಲಕ್ಕೆ ನಾಟಿ ಮಾಡಲಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ ನೇರ ಬಿತ್ತನೆ ಪದ್ಧತಿಯನ್ನೂ ಕೆಲ ರೈತರು ಅನುಸರಿಸುತ್ತಿದ್ದಾರೆ. ಭತ್ತ ಬೆಳೆಯುವ ಸಮಯದಲ್ಲಿ ನೀರಿನ ಸಮರ್ಪಕ ನಿರ್ವಹಣೆ, ಕಳೆ ನಿಯಂತ್ರಣ ಮತ್ತು ಪೋಷಕಾಂಶಗಳ ಸರಿಯಾದ ಬಳಕೆ ಅಗತ್ಯವಾಗುತ್ತದೆ.
ಭತ್ತ ಕುಯುವ ವಿಧಾನ :
ಕೈಯಿಂದ ಕುಯ್ಯುವುದು :
ಭತ್ತ ಬೆಳೆದ ನಂತರ ಕೊಯ್ಲು ಪ್ರಾರಂಭವಾಗುತ್ತದೆ. ಮೊದಲೆಲ್ಲಾ ಕೈಯಿಂದ ಕೊಯ್ಲು ಮಾಡುವ ಪದ್ಧತಿ ಇದ್ದರೂ, ಕೈಯಿಂದ ಕುಯ್ದಿದ್ದರೆ ಕೊಯ್ಲಿನ ನಂತರ ಭತ್ತದ ತೆನೆಗಳನ್ನು ಚನ್ನಾಗಿ ಒಣಗಿಸುತ್ತಾರೆ ನಂತರ ಹೊರೆಯನ್ನು ಕಟ್ಟಿ ಅದನ್ನು ಕೈಯಿಂದ ಬಡಿಯುತ್ತಾರೆ. ಬಡಿದ ನಂತರ ಹುಲ್ಲಿನಿಂದ ಭತ್ತ ಬೇರೆಯಾಗುತ್ತದೆ, ಹುಲ್ಲನ್ನು ದನಗಳಿಗಾಗಿ ಕಟ್ಟಿ ಇಡುತ್ತಾರೆ. ನಂತರ ಭತ್ತವನ್ನು ಚನ್ನಾಗಿ ಒಣಗಿಸುತ್ತಾರೆ ಈ ಹಂತವು ಅಕ್ಕಿಯ ಗುಣಮಟ್ಟವನ್ನು ಕಾಪಾಡಲು ಬಹಳ ಮುಖ್ಯ.
ಯಂತ್ರದಿಂದ ಕುಯ್ಯುವುದು :
ಇಂದಿನ ದಿನಗಳಲ್ಲಿ ಯಂತ್ರಗಳ ಬಳಕೆ ಹೆಚ್ಚಾಗಿದೆ. ಒಂದು ಗಂಟೆಗೆ 3 ಸಾವಿರದಿಂದ ಪ್ರಾರಂಭವಾಗುತ್ತದೆ. ಇದರಲ್ಲಿ ಭತ್ತ ಮಟ್ಟು ಹುಲ್ಲು ಬೇರೆ ಬೇರೆಯಾಗಿ ಬರುತ್ತದೆ. ನಂತರ ಭತ್ತವನ್ನು ಚನ್ನಾಗಿ ಒಣಗಿಸಿ ಇಡುತ್ತಾರೆ. ಹುಲ್ಲನ್ನು ದನಗಳಿಗಾಗಿ ಇಡುತ್ತಾರೆ.
ಅಕ್ಕಿಯಿಂದ ಮಾಡಬಹುದಾದ ಆಹಾರಗಳು :
ಭತ್ತದಿಂದ ಪಡೆಯುವ ಅಕ್ಕಿ ನಮ್ಮ ದೈನಂದಿನ ಆಹಾರದ ಮುಖ್ಯ ಭಾಗವಾಗಿದೆ. ಅಕ್ಕಿಯಿಂದ ಅನ್ನ, ಇಡ್ಲಿ, ದೋಸೆ, ಅಕ್ಕಿ ರೊಟ್ಟಿ, ಪಾಯಸ ಸೇರಿದಂತೆ ಅನೇಕ ಆಹಾರ ಪದಾರ್ಥಗಳನ್ನು ತಯಾರಿಸಲಾಗುತ್ತದೆ. ಜೊತೆಗೆ, ಭತ್ತದ ಹುಲ್ಲು (ಮೇವು) ಪಶುಗಳಿಗೆ ಉತ್ತಮ ಆಹಾರವಾಗುತ್ತದೆ. ಇದರಿಂದ ರೈತರಿಗೆ ಹೆಚ್ಚುವರಿ ಲಾಭವೂ ದೊರೆಯುತ್ತದೆ.
ಅಕ್ಕಿಯಿಂದ ಆರೋಗ್ಯ ಲಾಭಗಳು :
ಪೌಷ್ಟಿಕಾಂಶದ ದೃಷ್ಟಿಯಿಂದ ಅಕ್ಕಿ ಶಕ್ತಿಯ ಉತ್ತಮ ಮೂಲವಾಗಿದೆ. ಇದು ಕಾರ್ಬೊಹೈಡ್ರೇಟ್ಗಳಿಂದ ಸಮೃದ್ಧವಾಗಿದ್ದು, ದೇಹಕ್ಕೆ ತಕ್ಷಣ ಶಕ್ತಿ ನೀಡುತ್ತದೆ. ಬ್ರೌನ್ ರೈಸ್ ನಲ್ಲಿ ನಾರಿನಾಂಶ, ವಿಟಮಿನ್ಗಳು ಮತ್ತು ಖನಿಜಗಳು ಹೆಚ್ಚಾಗಿ ದೊರೆಯುತ್ತವೆ. ಆದ್ದರಿಂದ ಆರೋಗ್ಯದ ದೃಷ್ಟಿಯಿಂದ ಅಂಥ ಅಕ್ಕಿಯ ಬಳಕೆ ಉತ್ತಮ.
ಭತ್ತದಿಂದ ಆಗುವ ಆರ್ಥಿಕ ಲಾಭಗಳು :
ಆರ್ಥಿಕವಾಗಿ ಭತ್ತ ಬೆಳೆ ರೈತರ ಜೀವನಾಧಾರವಾಗಿದೆ. ಲಕ್ಷಾಂತರ ರೈತ ಕುಟುಂಬಗಳು ಭತ್ತ ಕೃಷಿಯ ಮೇಲೆ ಅವಲಂಬಿತವಾಗಿವೆ. ಸರಕಾರದ ಬೆಂಬಲ ಬೆಲೆ, ಕೃಷಿ ಯೋಜನೆಗಳು ಮತ್ತು ಆಧುನಿಕ ತಂತ್ರಜ್ಞಾನಗಳ ಬಳಕೆಯಿಂದ ಭತ್ತ ಕೃಷಿಯಲ್ಲಿ ಲಾಭವನ್ನು ಹೆಚ್ಚಿಸಬಹುದು. ಜೊತೆಗೆ, ಜೈವಿಕ ಕೃಷಿ ಮತ್ತು ನೀರು ಸಂರಕ್ಷಣಾ ವಿಧಾನಗಳನ್ನು ಅಳವಡಿಸಿಕೊಳ್ಳುವುದರಿಂದ ಭವಿಷ್ಯದಲ್ಲಿ ಭತ್ತ ಕೃಷಿ ಇನ್ನಷ್ಟು ಸುಸ್ಥಿರವಾಗಲಿದೆ.
ಒಟ್ಟಿನಲ್ಲಿ, ಭತ್ತ ಕೇವಲ ಒಂದು ಬೆಳೆ ಅಲ್ಲ; ಅದು ನಮ್ಮ ಸಂಸ್ಕೃತಿ, ಆಹಾರ ಪದ್ಧತಿ ಮತ್ತು ಆರ್ಥಿಕ ವ್ಯವಸ್ಥೆಯ ಅವಿಭಾಜ್ಯ ಅಂಗ. ರೈತರ ಶ್ರಮದಿಂದ ನಮ್ಮ ತಟ್ಟೆಗೆ ಬರುವ ಅನ್ನದ ಮಹತ್ವವನ್ನು ಅರಿತು, ಆಹಾರವನ್ನು ಗೌರವಿಸುವ ಮನೋಭಾವವನ್ನು ಬೆಳೆಸಿಕೊಳ್ಳುವುದು ಪ್ರತಿಯೊಬ್ಬರ ಕರ್ತವ್ಯವಾಗಿದೆ.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ : https://agricoop.nic.in