ಪರಿಚಯ :
ಕಾಗಿನಹರೆ ವ್ಯೂ-ಪಾಯಿಂಟ್ ಕರ್ನಾಟಕದ ಹಾಸನ ಜಿಲ್ಲೆಯ ಸಕಲೇಶಪುರ ತಾಲೂಕಿನಲ್ಲಿರುವ ಪ್ರಕೃತಿಯ ಅದ್ಭುತ ಸೌಂದರ್ಯದ ಹಿರಿಮೆಯನ್ನು ಹೊತ್ತುಕೊಂಡಿದೆ. ಇಲ್ಲಿನ ಬೆಟ್ಟ-ಗಾಡು, ಕಾಫಿ ತೋಟಗಳು, ನದಿ, ಜಲಪಾತ ಈ ಪ್ರದೇಶದ ಹೃದಯದಲ್ಲಿ ನೆಲೆಸಿರುವ ಕಾಗಿನಹರೆ ಒಂದು ಅಪರೂಪದ ಮಲೆನಾಡು ಪ್ರವಾಸಿ ತಾಣ.
ಐತಿಹಾಸಿಕ ಮತ್ತು ಭೌಗೋಳಿಕ ಹಿನ್ನೆಲೆ :
ಕಾಗಿನಹರೆ ಸಕಲೇಶಪುರ ನಡುವೆ ಇರುವ ಒಂದು ಸುಂದರ ಬೆಟ್ಟ. “ಹರೆ” ಅಂದರೆ ಬೆಟ್ಟಗಳ ಸರಮಾಲೆ. ಈ ಸ್ಥಳವು ಮಳೆಗಾಲದಲ್ಲಿ ದಟ್ಟ ಮಂಜಿನಿಂದ ಆವರಿಸಲ್ಪಟ್ಟಿರುವುದರಿಂದ “ಮಂಜಿನ ಬೆಟ್ಟ” ಎಂದೂ ಕರೆಯಲಾಗುತ್ತದೆ.
ಪ್ರಕೃತಿ ಸೌಂದರ್ಯ :
ಹಸಿರು ಹೊದಿಕೆಯ ಬೆಟ್ಟಗಳು ಕಾಫಿ, ಮೆಣಸು, ಏಲಕ್ಕಿ ತೋಟಗಳಿಂದ ಆವರಿಸಲ್ಪಟ್ಟಿವೆ.
ಮಂಜಿನ ದೃಶ್ಯ – ಬೆಳಿಗ್ಗೆ 6–8 ಗಂಟೆ ಮತ್ತು ಸಂಜೆ 4–6 ಗಂಟೆ ನಡುವೆ ಮಂಜಿನ ಮೋಡಗಳು ಬೆಟ್ಟಗಳನ್ನು ಮುತ್ತಿಕ್ಕುವಂತಗಿರುತ್ತದೆ.
ಪಕ್ಷಿಗಳ ಕಲರವ – ಹಕ್ಕಿಗಳ ವಿವಿಧ ಶಬ್ದಗಳು ಪ್ರಕೃತಿಯ ಸಂಗೀತದಂತೆ ಅನಿಸುತ್ತದೆ.
ಕಾಗಿನಹರೆ ಸುತ್ತಮುತ್ತ ನೋಡಲೇಬೇಕಾದ ಸ್ಥಳಗಳು :
ಕಾಗಿನಹರೆ ವ್ಯೂ ಪಾಯಿಂಟ್ : ರಸ್ತೆ ಬದಿಯಲ್ಲೇ ಇರುವ ಈ ಸ್ಥಳದಲ್ಲಿ ಪಾರ್ಕಿಂಗ್ ವ್ಯವಸ್ಥೆ ಸಿಗುತ್ತದೆ. ಬೆಟ್ಟಗಳ ಸಾಲುಗಳ ದೃಶ್ಯ, ಸೆಲ್ಫಿ ಪಾಯಿಂಟ್ಗಳು.
ಕಾಗಿನಹರೆ ದೇವಸ್ಥಾನ : ಶ್ರೀ ಚಾಮುಂಡೇಶ್ವರಿ ತಾಯಿ ದೇವಸ್ಥಾನ ನೋಡಬಹುದು.
ಮೂಕನಮನೆ ಫಾಲ್ಸ್ : ಮಳೆಗಾಲದಲ್ಲಿ ನೀರಿನಿಂದ ತುಂಬಿ ಹರಿಯುತ್ತದೆ.
ಮಂಜರಾಬಾದ್ ಕೋಟೆ : 18ನೇ ಶತಮಾನದ ಟಿಪ್ಪು ಸುಲ್ತಾನ್ ನಿರ್ಮಿಸಿದ ನಕ್ಷತ್ರಾಕಾರದ ಕೋಟೆ.
ಬಿಸ್ಲೆ ಘಾಟ್ ವ್ಯೂ ಪಾಯಿಂಟ್ : ಪಶ್ಚಿಮ ಘಟ್ಟದ ಅತ್ಯಂತ ಸುಂದರ ಕಣಿವೆ ದೃಶ್ಯ.
ಮಲ್ಲಳ್ಳಿ ಜಲಪಾತ : ಮಳೆಗಾಲದಲ್ಲಿ ಭಾರೀ ಮನಮೋಹಕವಾಗಿದ್ದು ರಾಮಣೀಯವಾಗಿರುತ್ತದೆ.
ಹವಾಮಾನ :
- ಚಳಿ ಕಾಲ (ನವೆಂಬರ್–ಫೆಬ್ರವರಿ): ಟ್ರೆಕ್ಕಿಂಗ್ ಮತ್ತು ಸೈಟ್ ಸೀಯಿಂಗ್ಗೆ ಸೂಕ್ತ.
- ಮಳೆಗಾಲ (ಜೂನ್–ಸೆಪ್ಟೆಂಬರ್): ಮಂಜು, ಹಸಿರು, ಆದರೆ ರಸ್ತೆ ಜಾರಿ ಬೀಳುವ ಸಾಧ್ಯತೆ.
- ಬೇಸಿಗೆ (ಮಾರ್ಚ್–ಮೇ): ತಂಪಾದ ಗಾಳಿ.
ಸ್ಥಳೀಯ ಆಹಾರ :
ಮಲೆನಾಡು ಊಟ – ಅಕ್ಕಿ ರೊಟ್ಟಿ, ಕೋಳಿ ಸಾರು, ಅಕ್ಕಿ ಪಾಯಸ, ಕಡುಬು ಸವಿಯಬಹುದು.ಕಾಫಿ – ಸ್ಥಳೀಯ ಕಾಫಿ ತೋಟದ ಫಿಲ್ಟರ್ ಕಾಫಿ.
ಹೋಟೆಲ್/ಹೋಂಸ್ಟೇ :
ಸ್ವರ್ಗಶಿಖರ ಹೋಂಸ್ಟೇ – ಪರಿಸರದ ಮಧ್ಯದಲ್ಲಿರುವ ಹೋಂಸ್ಟೇ.
https://www.google.com/travel/hotels/s/7WyXJxTi7R7H1ASA6
ಹೇಗೆ ತಲುಪುವುದು?
- ರೈಲು: ಸಕಲೇಶಪುರ ರೈಲು ನಿಲ್ದಾಣದಿಂದ ಬಸ್ ಮೂಲಕ – 42 ಕಿಮೀ.
- ಕಾರ್/ಬೈಕ್: ಬೆಂಗಳೂರು-ಹಾಸನ -ಸಕಲೇಶಪುರ- ಕಾಗಿನಹರೆ ಅಥವಾ ಬೆಂಗಳೂರು – ಚನ್ನರಾಯಪಟ್ಟಣ- ಶನಿವಾರಸಂತೆ-ಕಾಗಿನಹರೆ.
ಪ್ರವಾಸಿಗರಿಗೆ ಸಲಹೆಗಳು :
- ಚಳಿಗಾಲದಲ್ಲಿ ಸ್ವೆಟರ, ಮಳೆಗಾಲದಲ್ಲಿ ರೇನ್ಕೋಟ್ ಕಡ್ಡಾಯ ತೆಗೆದುಕೊಂಡು ಹೋಗಿ.
- ಟ್ರೆಕ್ಕಿಂಗ್ಗೆ ಉತ್ತಮ ಶೂ.
- ಪ್ಲಾಸ್ಟಿಕ್ ತ್ಯಾಜ್ಯ ಬಳಸಬೇಡಿ.
- ಸ್ಥಳೀಯರ ಅನುಮತಿ ಇಲ್ಲದೆ ಖಾಸಗಿ ತೋಟಗಳಿಗೆ ಹೋಗಬೇಡಿ.
ವಿಶೇಷ ಆಕರ್ಷಣೆ : ಕಾಗಿನಹರೆ ಒಂದು ಫೋಟೋಗ್ರಫಿ ಹಾಟ್ಸ್ಪಾಟ್ – ಮಂಜು, ಹಸಿರು ಬೆಟ್ಟ, ಸೂರ್ಯಾಸ್ತ ಇಲ್ಲಿ ಭೇಟಿ ನೀಡಿದವರು “ಮತ್ತೆ ಬರಲೇಬೇಕು” ಎನ್ನುವಷ್ಟು ಆಕರ್ಷಕವಾಗಿದೆ.